Vdes Margaret Hamilton, inxhiniere softuerike që ndihmoi në uljen në Hënë

Margaret Hamilton, shkencëtarja kompjuterike që udhëhoqi ekipin që krijoi softuerin që i mundësoi njerëzit të uleshin në Hënë, ka vdekur në moshën 90-vjeçare.

Instituti i Teknologjisë i Massachusetts (MIT) e nxori në dukje rolin e saj dhe njoftoi: "Të thuash se Hamilton ishte një pionere, të thuash se ishte përpara kohës së saj, do të ishte një nënvlerësim dramatik. Ajo ishte inxhinere softueri para se kjo të bëhej e zakonshme."

Udhëheqja në MIT dhe softueri i Apollo

Hamilton punoi në MIT nga viti 1959 deri në mes të viteve 1970 dhe udhëhoqi Divizionin e Inxhinierisë së Softuerit. Atje ajo drejtoi një ekip inxhinierësh që shkruan dhe testuan të gjithë softuerin për Apollo 11, që i lejoi Neil Armstrong dhe Buzz Aldrin të uleshin në Hënë në mënyrë të sigurtë.

Softueri që zhvilloi ekipi i saj ishte vendimtar për menaxhimin e situatave të ndërlikuara gjatë përfundimit të uljes dhe për zbatimin normal të misionit.

Vdekja e saj shënon largimin e një figure që kontribuoi në formësimin e praktikave të hershme të inxhinierisë së softuerit për misionet kozmike dhe e cila la trashëgimi në historinë e fluturimeve të njerëzve në hapësirë.

Foto: Geti)