Почнуваат уписите на државните универзитети за академската 2026/2027 година

Уписите на нови студенти на државните универзитети за академската 2026/2027 година почнуваат со пријавите на 18 август 2026 година.

Распоред и квоти по универзитети

Универзитетот „Св. Кирил и Методиј" во Скопје (УКИМ) ќе ги отвори пријавите на 18 август 2026 година. На УКИМ се предвидени вкупно 8.851 место распоредено на 23 факултети: 4.395 места за редовни студенти, 3.621 за студенти со кофинансирање и 835 за вонредни студии. Уписите во првиот рок се предвидени и на 19 август 2026 година.

Универзитетот „Св. Климент Охридски" од Битола (УКЛО) исто така почнува со пријавите на 18 август 2026 година. За додипломските студии УКЛО обезбеди 2.115 места: 1.074 во државна квота, а останатите 612 и 429 се наменети за кофинансирање и вонредни студии. Уписите во првиот рок ќе се одржат на 19, 20 и 21 август 2026 година.

Универзитетот „Гоце Делчев" во Штип (УГД) ја започнува постапката за упис на првиот циклус в среда, 19 август 2026 година, а ќе трае и следните два дена. Според конкурсот, годинава на УГД се предвидени вкупно 3.341 слободно место, од кои 1.629 се во државна квота, 972 за студенти со кофинансирање и 735 за вонредни студии.

Државниот универзитет во Тетово (ДУТ) ги закажа уписите од 24 до 28 август 2026 година. На универзитетот се предвидени вкупно 3.164 места за бруцоши, од кои 1.697 се за редовни студенти, 987 за студенти со кофинансирање и 480 за вонредни студии.

Универзитетот „Мајка Тереза" во Скопје ќе ги спроведе уписите од 24 до 26 август 2026 година. Квотата на универзитетот изнесува вкупно 1.360 студенти: 945 редовни, 235 со кофинансирање и 180 вонредни.

Фото: прес-материјал од настанот