Efektiv në Francë u përfshi nga zjarri pasi protestues hodhi koktej Molotov
Gjendarmeria dënon "dhunë të papranueshme"; Jordan Bardella kërkon dënime të gjata
Në Francë, një efektiv i Gjendarmerisë Kombëtare u përfshi nga zjarri pasi një protestues hodhi një koktej Molotov ndaj tij; pamjet e publikuara në rrjetet sociale tregojnë pjesë të incidentit.
Video tregon momentin kur i vjen zjarri në këmbë
Gjendarmeria publikoi në X një fotografi dhe një video që duket të kapin çastin kur flaka e prek këmbën e efektivit. Ajo e dënoi aktin si "dhunë të papranueshme".
Efektivi pësdoi djegie të rënda në këmbë dhe u dërgua për trajtim te shërbimet e emergjencës. Autoritetet njoftuan se hetimet për sulmin janë në zhvillim dhe se përgjegjësit do të ndjeken penalisht.
Jordan Bardella, kryetar i partisë së ekstremit të djathtë National Rally, e përshkroi pajisjen zjarrvënëse si një armë "e destinuar për të vrarë" dhe kërkoi që autorët të dënohen me burg të gjatë.
Ngjarja ndodhi ndërsa në vend zhvillohen protesta prej disa ditësh për shkak të rritjes së kostos së jetesës dhe shqetësimeve për gjendjen e sistemit arsimor.
Foto: material shtypi nga ngjarja
