Поранешниот градоначалник на Струмица Костадин Костадинов доби син, го нарекоа Никола

Поранешниот градоначалник на Струмица, Костадин Костадинов, и неговата сопруга Снежана ја добија најрадосната вест — станаа родители на син.

Родителството на парот е потврдено на 8 Септември, државниот празник Ден на независноста, ден што семејството го претвори во двоен повод за прослава.

Преку објава на Фејсбук, Костадинов ја сподели фотографијата од новороденчето и посветата до својот наследник.

Име со семејна тежина

„Добредојде на свет, наш Никола! Бог сакал да бидеш роден на овој прекрасен ден и засекогаш да си го славиш роденденот заедно со твојата Македонија. Да си ни жив, здрав, среќен и од Бога благословен, сине! Честит 8 Септември, Ден на независноста, Честит празник Македонијо!“, напиша тој во својата фејсбук-објава.

Костадинов воедно упати јавно благодарение до медицинскиот тим за професионалноста, грижата и посветеноста при раѓањето.

Изборот на името Никола за парот има длабока емотивна приказна — како човек кој рано го загубил својот татко, Костадинов го доживува доаѓањето на синот со тоа име како продолжување и воскреснување на сеќавањето на човекот кој го создал.

Парот ова лето ја круниса својата љубов со црковен брак во црквата „Пресвета Богородица“ во Берово, по претходно склучениот граѓански брак. На свеченоста невестата блескаше во венчаницата со трудничкото стомаче, а Костадин тогаш откри дека со нетрпение ја очекуваат иднината со машко дете кое ќе им го комплетира животот.

Фото: прес-материјал од настанот