Предупредување до родителите: Frosty Pocket SLUSHY се повлекува од продавниците

Државниот инспекторат на Република Хрватска издаде итно повлекување на четири видови течни десерти за замрзнување од брендот Frosty Pocket SLUSHY откако беа пронајдени траги од неодобрен адитив — глицерол (Е422). Надлежните побараа производите веднаш да се отстранат од продажба и купувачите да ги вратат.

Кои производи се повлечени

Од продажба се повлекуваат следниве 160‑грамски пакувања SLUSHY Fruta:

• SLUSHY Fruta Dracula — EAN 8435660200774, рок на употреба до 30.11.2027
• SLUSHY Fruta Јагода — EAN 8435660200750, рок на употреба до 30.10.2027
• SLUSHY Fruta Лимон — EAN 8435440200767, рок на употреба до 30.10.2027
• SLUSHY Fruta Шумско овошје — EAN 8435660200781, рок на употреба до 30.10.2027

Производител е шпанската компанија Granizados Maresme S.L., а за Хрватска дистрибутер е Meli Tehnologije d.o.o. од Загреб. Властите апелираат на сите што ги имаат купено овие пакувања веднаш да ги вратат во продавниците и да не ги даваат на децата.

Иако глицеролот (Е422) генерално е дозволен адитив и се користи во кондиторски производи и десерти за задржување влага, ограничувањата зависиaт од намената и категоријата на храна. Европската агенција за безбедност на храна (EFSA) има посебни регулации за употреба на адитиви во течни десерти за замрзнување и slushy‑производи наменети главно за мали деца; во овој случај глицеролот бил додаден, но не бил одобрен за оваа формулација.

Регулаторите предупредуваат дека во поголеми количини глицеролот кај мали деца може да предизвика здравствени реакции како главоболки, гадење или лаксативен ефект. Родителите во Македонија се повикуваат да проверат полици и производи купени при патување или шопинг во соседството.

Доколку ги најдете наведените SLUSHY производи во продавниците или ги имате дома, не ги давајте на вашето дете и пријавете го случајот до Државната пазарна инспекција или Агенцијата за храна и ветеринарство (АХВ).

Фото: прес-материјал од настанот