Kryeministri Hristijan Mickoski: zgjedhjet e parakohshme do të ishin rrezik financiar

Kryeministri Hristijan Mickoski deklaroi se qeveria i prioritizon stabilitetin financiar ndaj interesave partiake dhe nuk përkrah organizimin e zgjedhjeve të parakohshme parlamentare në këtë moment. Ai vlerësoi se procesi zgjedhor tani do të ekspozonte shtetin ndaj një rreziku të rëndë financiar dhe e përshkroi një të tillë si një hap të pakujdesshëm, edhe pse mund t'u shërbente interesave politike të pushtetit.

Mickoski theksoi se gjatë dy viteve të ardhshme shteti duhet të sigurojë 5 miliardë euro për shlyerje dhe rifinancim të borxheve, pagesa të interesave dhe mbulim të deficitetit buxhetor, çka e bën periudhën të ndjeshme ndaj ndërrimeve politikë.

“Gjashtë muaj qeveri teknike do ta çonin vendin drejt falimentimit”

“Vit të ardhshëm duhet të gjejmë 2.3 miliardë euro. Gjashtë muaj qeveri teknike do ta çonin vendin drejt falimentimit. Dhe ajo qeveri teknike do të ishte në kulmin e dimrit më të ashpër, janar dhe pjesërisht shkurt. Në 2028 është shumë më lehtë, megjithatë atëherë bëhet fjalë për 2.7 miliardë euro. Atëherë mund të i shtyjmë kërkesat për 2029, sepse vetëm atë vit nuk ia arritën të plotësojnë me euroobligacion. Një pjesë të detyrimeve mund t'i kalojmë në 2029 dhe të dalim nga këto dy vite kur duhet të sigurojmë likuiditet prej 5 miliardë euro,” tha kryeministri Hristijan Mickoski.

Stabiliteti i koalicionit qeverisës u vu sërish në fokus pasi lideri i ZNAM, Maksim Dimitrievski, paralajmëroi se partia mund të largohet nga qeveria nëse lejohet që provimi i drejtësisë të mbahet në një gjuhë tjetër përveç maqedonishtes. Dimitrievski njoftoi se do të kërkojë një takim të liderëve me partnerët e koalicionit për të përcaktuar qëndrimet dhe vijat e kuqe mbi këtë çështje.

Opozita tha se nuk do të nxisë zgjedhje të parakohshme. Zyrtarët e SDSM thanë se nuk do t'i japin qeverisë një alibi dhe, siç shprehën, “zgjedhje do të ketë kur të mbarojnë paratë për tenderë.”

Për integrimet evropiane, Mickoski nuk paralajmëroi një ofensivë më agresive për të rrëzuar veton bullgare. Ai tha se qasja diplomatike aktuale po jep rezultate modeste dhe e përshkroi mosmarrëveshjen me Bullgarinë si një maratonë diplomatike, ku interesat shtetërore janë më të rëndësishme se veprimet e shpejta për të kënaqur pritshmëritë e jashtme. Ai shtoi se rritja e rezistencës publike ndaj ndryshimeve kushtetuese trajtohet si informacion për përdorim të brendshëm, jo si argument në bisedimet me partnerët evropianë.

Foto: material shtypi nga ngjarja