Претреси и апсења во Куманово, сомнежи за изнуда и перење пари

Од Обвинителството и од МВР информираа дека денеска во Куманово се спроведуваат координирани акции: извршени се апсења на осомничени, а се вршат претреси на повеќе локации поради сомнение за изнуда, лихварство и уцени.

Претреси за обезбедување докази

“Јавен обвинител од Основното јавно обвинителство за гонење на организиран криминал и корупција координира дејствија на полициски службеници од Одделот за сузбивање на организиран и сериозен криминал при МВР. Врз основа на наредби обезбедени од надлежното јавно обвинителство се вршат повеќе претреси за обезбедување докази во врска со кривични дела „изнуда“, „перење пари и други приноси од казниво дело“ и „несовесно работење во службата“. По целосно завршување на акцијата соодветно ќе ја известиме јавноста , информираат од Обвинителството.

Одредени локации се предмет на претреси со цел прибирање на материјални докази поврзани со кривичните дела наведени од обвинителството, меѓу кои се изнуда, перење пари и други приноси од казниво дело, како и несовесно работење во службата.

“Полициски службеници од Одделот за сузбивање на организиран и сериозен криминал при МВР вршат претреси во координација со надлежен јавен обвинител од ОЈО за ГОКК во врска со кривични дела „изнуда“, „перење пари и други приноси од казниво дело“ и „несовесно работење во службата“ , соопштија од МВР.

Од двете институции најавија дека по завршувањето на акцијата ќе излезат со дополнителни информации. Акцијата во Куманово е во тек и властите го повикаа јавноста на трпение додека не се соберат сите податоци.

Фото: прес-материјал од настанот