E zgjatur ndalesa për lëvizje në pyje deri më 30 shtator

Për shkak të rritjes së rrezikut për zjarre në hapësira të hapura, është zgjatur ndalesa e plotë për lëvizje në pyje dhe tokë pyjore, e cila do të vlejë deri më 30 shtator.

Ndalesa vlen për territorin që administrohet nga Ndërmarrja Publike "Pyjet Kombëtare". Lëvizja do të lejohet vetëm me leje të shkruar të lëshuar nga degët e ndërmarrjes — përkatësisht dega në Shkup për zonat që ajo i administron/menaxhon.

Kush është i përjashtuar dhe kush e zbaton ndalesën

Ndalesa nuk i përfshin Ministrinë e Punëve të Brendshme, Ministrinë e Mbrojtjes, Policinë Pyjore, Qendrën për Menaxhim të Krizave, Drejtorinë për Mbrojtje dhe Shpëtim  Inspektoratin Shtetëror për Pyje dhe Gjueti, Ndërmarrjen Publike "Pyjet Kombëtare", si dhe subjektet që kryejnë aktivitete pyjore, punë pyjore dhe mbrojtje të pyjeve, dhe personat që kanë leje të shkruar për lëvizje në pyje.

Për zbatimin e ndalesës përgjegjësinë e mbajnë punonjësit e Ndërmarrjes Publike "Pyjet Kombëtare" që ushtrojnë detyra mbrojtëse, Inspektorati Shtetëror për Pyje dhe Gjueti, Policia Pyjore dhe Ministria e Punëve të Brendshme.

Ndërmarrja thekson se ndalesa nuk vlen për pyjet-park dhe parkët kombëtarë (p.sh. Vodno). Për kushtet e lëvizjes në këto zona, qytetarët duhet të informohen te subjektet ligjore që i menaxhojnë ato.

Shtyrja e ndalesës synon të ulë mundësinë e shpërthimit të zjarreve gjatë periudhës me rrezik të lartë dhe të sigurojë angazhim të shpejtë të shërbimeve kompetente në rast të incidenteve.

Foto: Fejsbuk