Пронајден мртов професорот на Кембриџ обвинет за плагијат, Џејсон Ардеј

Британскиот социолог Џејсон Ардеј, кој минатата недела поднесе оставка од Универзитетот во Кембриџ по неколкунеделни јавни обвинувања за плагијат и зголемено медиумско внимание, вчера попладне беше пронајден мртов во својот дом во Батерси, јужен Лондон.

Оставка, сомнежи и книга објавена во истата недела

Ардеј, кој имаше 37 години кога во 2023 стана најмладиот црн професор на Кембриџ, поднесе оставка откако се најде под силен медиумски притисок и повеќенеделни обвинувања за плагијат во неговата академска работа, како и прашања поврзани со тврдењата за неговите спортски и хуманитарни достигнувања.

Весниците „Тајмс“ и „Телеграф“, заедно со „Би-би-си“ и „Скај њуз“, објавија дека 41-годишниот Ардеј вчера попладне бил пронајден без знаци на живот во домот во Батерси.

Веста за неговата смрт следи во истата недела кога беше објавен неговиот мемоар „Големи и несреќни нешта“ – дело што издавачката куќа „Сајмон и Шустер“ одлучи да го објави и покрај сомнежите за неговиот кредибилитет.

Во соопштението издадено преку неговиот издавач, семејството на Ардеј изјави дека се „во шок поради загубата на овој прекрасен татко, партнер, брат, вујко и син“.

Детали поврзани со истрагата или околностите на смртта не беа наведени во објавите на медиумите кои ја пренесоа веста.

Фото: АП)