Путин им наложи на приватните центри за податоци да издвојат 10 проценти од капацитетот
Указот бара попис од Министерството за дигитален развој и дозволува привремено користење на странски центри со одобрение од ФСБ.
Претседателот Владимир Путин потпиша указ со кој руските сопственици на приватни дата-центри се задолжуваат да издвоат 10 проценти од нивниот капацитет за поддршка на руската информатичка инфраструктура, по серијата напади врз ваквите објекти.
Указот ги задолжува Министерството за дигитален развој, комуникации и масовни комуникации да направи попис на расположливиот капацитет и простор во приватните центри за податоци ширум Русија.
Владина комисија ќе може да нареди ослободување
Специјална владина комисија, која ќе биде формирана согласно указот, ќе има овластување да нареди ослободување на резервираниот капацитет, а операторите ќе бидат должни да овозможат пристап во рок од 24 часа по донесувањето на таквата одлука.
Исто така, указот овозможува и привремено користење на центри за податоци лоцирани во странство, но само ако тоа добие одобрение од Федералната служба за безбедност (ФСБ).
Во изминатите недели руските дата-центри беа цел на напади со украински беспилотни летала, а во текот на минатиот месец беа погодени и објекти со кои управуваат технолошките компании „Јандекс" и „Сбербанк".
Фото: прес-материјал од настанот
