Работните спорови чинеле 64,4 милиони евра, покажува ревизија

Државниот завод за ревизија утврди дека во периодот 2020–2025 година државата исплатила околу 64,4 милиони евра по основ на работни спорови.

Ревизијата посочува дека речиси половина од сумата се однесува на камати, трошоци на парнична постапка и извршни трошоци. Меѓутоа, бројот на активни предмети растел значително — од 9.361 во 2021 година на 24.556 во 2025 година.

Клучни наоди и маани

Ревизорот заклучува дека нема воспоставен ефикасен и системски пристап за управување со работните спорови во јавните институции. Во најголем дел од институциите недостигаат системи за следење и анализа на причините и исходите од споровите.

Дополнително, според наодите, примената на алтернативни начини за решавање на спорови е ограничена, а Државното правобранителство најчесто делува реактивно наместо превентивно.

Државниот завод за ревизија препорачува воспоставување поефикасен систем за управување со предметите, унапредување на законската рамка и подобрување на евиденцијата и аналитичкото следење. Целта е да се намалат финансиските импликации од работните спорови и поодржливо да се управува со ризиците врз Буџетот.

Фото: прес-материјал од настанот