Ребека Ива Мартинчевиќ ги воодушеви судиите на Суперталент

21-годишната пејачка Ребека Ива Мартинчевиќ ја воодушеви публиката и жирито во хрватскиот Суперталент, но зад нејзиниот ангелски глас стои тешка животна приказна: таа ги одгледувала своите седум браќа и три сестри.

Настапот ѝ донесе место во следниот круг од шоуто што се емитува на ТВ Нова и за Ребека беше прилика да го остави зад себе тешкото минато и да се посвети на музиката.

Од детство со голема одговорност

Љубовта кон музиката ја наследила од својот татко, кој е професионален пејач, а настапот во Суперталент за неа имаше и големо лично значење. Таа откри дека нејзиното детство ненадејно е прекинато уште кога била дете.

„Мојот живот е како некоја ТВ-серија. Мама си замина кога имав 12 години и јас практично од таа возраст веќе требаше да бидам и мајка и сестра за моите браќа и сестри, но и да бидам тука за татко ми колку што можев. Замина во периодот кога најмногу ми требаше. Додека другите деца се играа пред куќа, јас повеќето време бев дома. Не беше фер, но колку и да е тешко, пак сè снаоѓам и го наоѓам мојот мир“, рече Ребека Ива Мартинчевиќ.

Настапот ја расплака и ја наежи членката на жирито Martina Tomčić, а Maja Šuput и останатите членови истакнаа дека нејзината едноставност, животната зрелост и големата емпатија ја прават вистинска инспирација за публиката во регионот.

Фото: прес-материјал од настанот