Румен Радев: Бугарија повеќе нема да дава пари за Украина
На самитот на ЕУ Зеленски побара дополнителни 70 милијарди евра за следната година — но, според Радев, Бугарија нема да учествува.
Бугарија повеќе нема да учествува во финансиската помош што Европската Унија ја дава за Украина, изјави премиерот Румен Радев.
На неодамнешниот самит на ЕУ, Володимир Зеленски побара од Унијата дополнителни 70 милијарди евра за следната година, со цел Украина да може да продолжи да се брани од руската инвазија.
Радев јасно одби евентуално учество
Коментарот на Радев дојде во контекст на барањето на Зеленски. "Како ви изгледа ова, со оглед на сè што се случува во Европа? Бугарија не може на никаков начин да биде вклучена во овие 70 милијарди евра", кажа Радев.
Со ова Софија јасно ја отфрли можноста да се приклучи кон новиот колективен европски финансиски потфат чија цел е поддршка на Украина и нејзината одбрана и обнова во текот на следната година.
Позицијата на Радев може да влијае врз натамошните преговори меѓу земјите-членки околу поделбата на трошоците и начинот на финансирање на бараниот износ.
Фото: ДПА)
