Русија најави заострување на нападите врз Киев и други украински градови

Руското Министерство за одбрана објави дека ги наредило на руските сили да ги зголемат нападите врз Киев и на други делови од Украина, претставувајќи го потегот како одговор на изјавите на украинскиот претседател Володимир Зеленски дека Украина ќе ги засили нападите врз руски рафинерии.

Во соопштението се наведува дека треба да се интензивираат ударите врз воените објекти, погоните на воената индустрија и поврзаната инфраструктура во Киев и на други места. Во последно време Москва го зголеми интензитетот на нападите врз украинската инфраструктура, вклучително и удари врз мостовите над реката Дњепар во главниот град.

Притисок пред зимата

Оваа пожестока кампања сериозно го наруши животот на околу три милиони жители на Киев во пресрет на суровите зимски месеци, велат властите, додавајќи дека целта е деморализација и оштетување на цивилната инфраструктура.

Во интервју објавено вчера, Зеленски рече дека Украина дополнително ќе ги зголеми нападите врз руските рафинерии за нафта како одговор на новите тактики на воздушни напади на Москва за принудување на луѓето да го напуштат Киев и другите градови, но нема да ги гаѓа цивилите. Во тоа ќе треба да им помогнат новите балистички проекти.

Руското Министерство за одбрана, пак, тврди дека неговите неодамнешни напади врз Киев и други региони се одговор на напади од страна на Киев врз цивилни цели во Русија.

Фото: прес-материјал од настанот