Mark Rutte: Nuk ka prova që Rusia synon të sulmojë anëtare të NATO-s
Në Tallinn Rutte vlerësoi shpenzimet 5% të Estonisë për mbrojtje dhe tha se vendi i tij do të ndajë 0.28% të PBB-së për ndihmë ushtarake për Ukrainën.
Sekretari i Përgjithshëm i NATO-s, Mark Rutte, tha në Tallinn se nuk sheh një kërcënim të menjëhershëm për territorin e aleancës dhe se nuk ka prova që Rusia synon të sulmojë ndonjë anëtare të NATO-s.
Gjatë vizitës së tij, Rutte lavdëroi Estoninë për ndarjen e pesë për qind të prodhimit të brendshëm bruto për mbrojtje dhe për mbështetjen ndaj Ukrainës, duke thënë se ajo vendos standarde për anëtarët e tjerë të NATO-s. Ai shtoi se sulmet hibride ruse nuk do t'i trembin aleatët.
Kryeministrja estoneze Kristen Mihal deklaroi se antarësimi i Ukrainës në NATO do të përfaqësonte garancinë më të fortë afatgjatë të sigurisë për Estoninë.
Ndihma ushtarake dhe siguria detare
Rutte njoftoi se vendi i tij do të ndajë 0.28 për qind të PBB-së për ndihmë ushtarake për Ukrainën këtë vit, në krahasim me 0.35 për qind vitin e kaluar. Ai theksoi se anëtarësimi i Ukrainës në NATO aktualisht nuk është në axhendë për shkak të kundërshtimeve të disa anëtarëve, përfshirë Shtetet e Bashkuara.
Nisma PURL synon të sigurojë armë amerikane për Ukrainën, duke përfshirë sisteme të mbrojtjes ajrore. Rutte tha se vendet evropiane përpiqen të forcojnë industrinë e tyre të mbrojtjes, ndërsa çështjet e sigurisë në Detin Baltik dhe Ngushticën e Oresundit nënvizojnë rëndësinë e mbrojtjes së rrugëve detare.
Foto: material shtypi nga ngjarja
