SHBA do të hapë dy baza ushtarake në Groenlandë, marrëveshja nënshkruhet sot
Danimarka, Groenlanda dhe SHBA pritet ta nënshkruajnë marrëveshjen gjatë Asamblesë së Përgjithshme të OKB në Nju Jork; teksti nuk është publik.
Shtetet e Bashkuara planifikojnë të rivendosin një bazë ushtarake nga koha e Luftës së Ftohtë në jug të Groenlandës dhe të hapin një tjetër në bregun lindor, pjesë e një marrëveshjeje që do të nënshkruhet sot me Danimarkën dhe Groenlandën.
Konteksti
Vendet e përfshira janë Narsarsuaq, popullsia e të cilit është zvogëluar në disa dhjetëra njerëz pasi SHBA-ja mbylli bazën e saj Bluie West 1 në vitet 1950, dhe Mestersvig, që aktualisht përdoret nga patrulla daneze që shfrytëzon sanki me qentë.
Pritet që Danimarka, Groenlanda dhe SHBA-të ta nënshkruajnë marrëveshjen sot gjatë Asamblesë së Përgjithshme të Kombeve të Bashkuara në Nju Jork. Teksti i marrëveshjes nuk është bërë publik.
Tre persona të njohur me dokumentin thanë se detajet nuk do të finalizohen derisa marrëveshja të nënshkruhet zyrtarisht.
Kjo nismë do të shënonte rikthimin e pranisë ushtarake amerikane në vendet e përdorura gjatë Luftës së Ftohtë dhe krijimin e një pike të re në bregun lindor të Groenlandës, megjithëse kushtet e plota do të mbeten të konfidenciale deri në nënshkrim.
Foto: AP)
