СДСМ: Економијата е во колапс, секојдневно задолжување и провизии

СДСМ преку писмено соопштение денеска го обвини владеачкиот состав дека ја турка економијата во криза, наведувајќи низа финансиски недоследности и повици за преземање одговорност.

"Невозможно е повеќе да се скријат секојдневните лаги.  Економијата е во колапс. Втор ребаланс за четири месеци, трет најавен. За пензиите фалат околу милијарда, а вториот пензиски столб  нема пари – обвинува СДСМ денеска преку писмено соопштение.

Од опозициската партија ја обвинуваат владеачката гарнитура дека „нема поле каде што е успешна“ и дека функционира на дневно задолжување и ради стекнување провизии. "Секој ден гледаат задолжување, провизија, рудник за трговец со оружје, дата центри за туѓа дигитализација, провизија за арамијата", посочуваат од СДСМ.

Билатерални прашања и национален интерес

Во соопштението опозицијата ги критикуваше и постапките на партиските лидери околу надворешните прашања и заштитата на националните интереси. "Нема веќе предавање на национален интерес. Единствен предавач е организираната криминална група ВМРО и арамијата Мицкоски. Тимчо Муцунски потврди – Билатералните прашања не се дел од преговарачката рамка. Преспа, вели Мицкоски е ремек-дело. Сиљановска: идентитет, јазик и култура се заштитени. Европа го потврди тоа. Последна во низата, претседателката на Комисијата, рече не се преговара со Бугарија, се преговара со ЕУ."

СДСМ тврди дека пред средби со странски претставници има и „намерни провокации“. "Намерни провокации: прво фашисти, па коњопој, пред средба на Муцунски со бугарската министерка", велат од партијата.

Како клучен услов за напредок во евроинтеграциите, СДСМ ја нагласува потребата од соработка со независното обвинителство и соработката со Лаура Ковеши, и бара одговорност од оние кои ги нанеле проблемите.

Фото: прес-материјал од настанот