СДСМ: Владата одобрила ново задолжување од 250 милиони евра

Опозицискиот Социјалдемократски сојуз на Македонија (СДСМ) објави дека Владата на седница минатата недела одобрила ново задолжување до 250 милиони евра, кое ќе се прибере преку издавање должнички хартии од вредност на меѓународниот финансиски пазар и ќе биде наменето за поддршка на државниот буџет.

Според партиското соопштение, ова го потврдуваа предупредувањата на опозицијата и, како што се наведува, на нејзиниот лидер Венко Филипче, дека Владата предводена од премиерот Христијан Мицкоски не може да ја издржи годината без нови задолжувања.

Од СДСМ посочуваат дека сумата од 250 милиони евра «Ново задолжување од 250 милиони евра до крајот на годинава. А во 2026 година веќе нема доспеани долгови за враќање. Ова не е за враќање долгови туку за пензии и плати затоа што нема пари во Буџетот, и секако за криминални тендери», не е наменета за враќање на постоечки обврски, туку за исплата на пензии и плати и, како што тврдат, за криминални тендери.

Бројки и обвинувања

Од опозицијата претходно соопштија дека со ова јавниот долг ќе порасне на 11 милијарди евра, а ако се вклучат и скриените долгови кон Јавното претпријатие за државни патишта (ЈПДП) и другите јавни претпријатија, долгот надминува 63 отсто од БДП. СДСМ додава дека „дупката“ во буџетот изнесува 900 милиони евра, а дефицитот во Фондот за пензиско и инвалидско осигурување е една милијарда евра.

Во соопштението дополнително се додава дека политиките на власта ги туркаат граѓаните кон должничко ропство и дека во рок од две години државниот долг е зголемен за четири милијарди евра — половина од вкупниот долг на земјата од независноста до денес. «Ова е уште една потврда на предупредувањата на СДСМ за катастрофалната состојба со буџетот и дебаклот на економските политики на арамијата», велат од партијата.

Премиерот Христијан Мицкоски изјави дека до крајот на годината Буџетот се очекува да биде покус за меѓу шест и седум милијарди денари и дека се разгледува можност за уште еден ребаланс. „Можно е годинава да имаме уште еден ребаланс на Буџетот,“ најави Мицкоски, посочувајќи дека најголем дел од отстапувањето во буџетот е резултат на мерките за одржување на ниските цени на горивата.

Во интервјуто на емисијата „360 степени“, емитувано на 5 октомври, пратеникот од редовите на СДСМ и поранешен вицепремиер за економски прашања Фатмир Битиќи предупреди дека Владата се соочува со сериозен проблем со ликвидноста и дека буџетскиот дефицит веќе го надминал планираното ниво за целата година. Тој ги оспори пресметките дека антикризните мерки направиле дупка од 7 до 8 милијарди денари (околу 130 милиони евра), објаснувајќи преку примерот на ДДВ кај горивата дека поради повисоките цени, државата во апсолутен износ по литар прибира речиси иста сума и покрај пониската стапка на ДДВ.

Фото: Архива