Шон Дафи претстави SMART — вештачка интелигенција за контролорите на летање

Американскиот министер за транспорт Шон Дафи ја претстави новата платформа SMART, система која користи вештачка интелигенција за да им помага на контролорите на летање да донесуваат подобри одлуки, но без да ги заменува.

Податоци во реално време и предвидувања за подобро управување

Системот SMART, или Стратешко управување со воздушните рути и траектории, анализирал околу 200 точки на податоци, вклучувајќи го времето, патеките на летовите, пристигнувањата и заминувањата. Платформата го обработува живиот оперативен тек и предвидливите модели за да укаже на потенцијални проблеми и да предложи мерки до човечките контролори.

За време на презентацијата Дафи ја опиша визуализацијата што ја користи системот: "Ова е поглед во живо на американскиот воздушен простор. Авиони, временска прогноза низ целиот систем, па ги земаме податоците за времето, ја земаме и патеката на летот. Значи, нашата сина боја се заминувањата. И ако сте виделе магента или розова, има проблем за тој лет. Но, сите овие податоци се важни за нас бидејќи можеме да користиме предвидливи податоци за да видиме каде одат летовите, но и каде ќе биде времето во иднина," изјави Шон Дафи, министер за транспорт на САД.

Министерот нагласи дека технологијата е помошна алатка, при што контролорите задржуваат крајната контрола: "Сакам да бидам навистина јасен. Имаше многу разговори за вештачката интелигенција и кој го контролира воздушниот простор. Ова е алатка за предвидување што ќе му даде поттик на лицето, на некој што го управува воздушниот простор. Но, секогаш ќе биде човек тој што го управува воздушниот простор во Америка. Значи, оваа алатка нема да го управува воздушниот простор, но ни дава подобри информации, подобри податоци за управување со просторот во име на американскиот народ," вели Дафи.

Според официјалните најави, во FAА и Министерството за транспорт оваа технологија ја оценуваат како најефикасна за управување со воздушниот сообраќај во светот, а нејзиното воведување е резултат на едногодишни напори за модернизација.

Во соопштението беше посочено и ширењето на вештачката интелигенција во стопанството: околу 18% од работоспособното население во светот и речиси 90% од поголемите компании редовно користат барем една ВИ алатка или функција.

Фото: прес-материјал од настанот