Kuvendi zhvillon seancën e 125-të me 25 pika në rendin e ditës

Kuvendi zhvillon sot seancën e 125-të, me 25 pika në rendin e ditës që përfshijnë projektligje dhe vendime nga fusha të ndryshme legjislative dhe administrative.

Pikat kryesore për shqyrtim

Në lexim të dytë deputetët do të diskutojnë Projektligjin për Raportimin dhe Verifikimin e Investimeve të Huaja të Drejtpërdrejta, Projektligjin e Plotësuar për Kontrollin Shtetëror (State Audit) dhe ndryshimet e Ligjit për Prokurimet Publike.

Në procedurë të përshpejtuar janë edhe disa ndryshime ligjore, përfshirë ligjet mbi banimin, drejtuesit e lartë, zyrtarët administrativë, punonjësit në sektorin publik, pagat dhe shpenzimet e të zgjedhurve dhe të emëruarve, pyjet dhe Ligjin për Ushqimin Studentor të subvencionuar.

Në lexim të parë pritet shqyrtimi i ndryshimeve të propozuara për ligjet e prokurimeve publike, mjedisit, punëve të jashtme, tatimit mbi të ardhurat personale, mbrojtjes së fëmijëve, çmimeve shtetërore, pagës minimale dhe marrëdhënieve të punës, si dhe Projektligjit për Mbrojtjen e Infrastrukturës Kritike Civile.

Po ashtu do të diskutohet Programi Kombëtar për Arsimin e Lartë me masat e propozuara dhe Programi Kombëtar për Veprimtarinë Shkencore-Kërkimore me masat e propozuara.

Deputetët do të votojnë edhe ndryshime të përbërjes së komiteteve parlamentare, shpalljen e një konkursi publik për përzgjedhjen e anëtarëve të Këshillit për Mbikëqyrje Civile dhe nxjerrjen e një thirrjeje publike për emërimin e anëtari të Komisionit Rregullator për Energjinë, Shërbimet e Ujit dhe Menaxhimin e Mbetjeve.

Foto: material shtypi nga ngjarja