Софија Манева го враќа „Љубов или нешто друго“ со нов, секси спот

Атрактивната пејачка Софија Манева се враќа на музичката сцена со нова верзија на „Љубов или нешто друго“ — песна од нејзиниот постар репертоар доби современ звук и сосема ново видео.

Во видеото, Менeва е претставена во секси и заводливо издание, со стајлинг и сценска појава што ја нагласуваат нејзината женственост. Аранжманот го осовременува препознатливото мелодично јадро, додека визулениот пристап ја претставува нумерата поинаку.

Режија и визуелна приказна

Режисер на видеото е Даниел Јовески, кој преку визуелниот концепт ја надополнува музичката идеја и гради низ кадри единствена приказна што следи карактерот на песната.

Софија го коментира проектот со зборовите: “Многу сум задоволна од тоа како изгледа целиот проект. Сакав “Љубов или нешто друго” да добие нов звук, но и видео-приказна во која ќе се чувствувам самоуверено, женствено и секси. Мислам дека успеавме да направиме интересна комбинација и навистина се надевам дека на публиката ќе ѝ се допаднат и песната и спотот. Едвај чекам да ги слушнам нивните реакции”.

Целото издание е замислено да ја допре публиката што ја памети оригиналот, но и да ги освои помладите слушатели преку современиот звук и визуелен пристап.

Пејачката најавува дека веќе работи на нов музички проект кој наскоро ќе биде претставен; овој сингл и видеото се само најава за тоа што следи. Дотогаш, публиката може да го погледне новиот спот и да ја види Софија во едно од нејзините најзаводливи изданија до сега.

Фото: прес-материјал од настанот