Советничка влезе во дупка во центарот на Битола, општината почна санација

Советничката од СДСМ Софија Ристевска‑Петрушева влезе во голема дупка што се појави на улицата Пеце Матичевски, во строгиот центар на Битола, со цел да укаже на опасноста за сообраќајот; по објавувањето на видеото, јавните претпријатија изутрината пристапија кон санирање.

Видео покрена интервенција истиот ден

Во видеото објавено синоќа на социјалните мрежи, советничката од СДСМ Јадрнанка Павловска се движи низ улицата кај Центарот за култура и покажува кон огромна дупка на само неколку чекори од Широк Сокак и хотелот Епинал, тврдејќи дека во неа пропаднала кола. На снимката се гледа како советничката Софија Ристевска‑Петрушева влегува во дупката и јавно прашува: „Зарем вака се сака нашиот град, зарем вака се развива нашиот град?“

Ристевска‑Петрушева воедно укажа дека дупката е во близина на Народниот театар и покрај едно од најстарите училишта во државата, поставувајќи прашање дали тоа е безбедноста и културата што ги заслужуваат битолчани.

Дупката се наоѓа на една од најфреквентните сообраќајни делници во градот и повеќе денови беше означена само со пластична сигнализација, оставајќи опасност за возачи и пешаци.

Јавните претпријатија рано утрово почнаа со санација по посетата на советничката. Од Општина Битола соопштија дека големите дождови во изминатиот период предизвикале оштетувања на повеќе улици низ градот и дека екипите постојано се на терен за нивно отстранување.

„Општетувањето кое се појави кај комплексот Пелагонка 2 е констатирано изминатиот период по што од страна на ЈП 'Нискоградба’ Битола е поставена соодветна ознака и со механизација за сечење е пристапено кон детектирање на проблемот на оваа локација од аспект на водоводни или канализациони општетувања, по што ќе следи соодветна интервенција во координација помеѓу двете јавни претпријатија“, стои во соопштението на Општина Битола.

Општината најави засилени инспекциски контроли од Општинскиот инспекторат, вклучувајќи надзори во вечерните часови и на викендите. Истовремено, советниците од опозициските СДСМ, Поинаку, ЛДП и Левица сами вршат инспекции низ градот и редовно објавуваат видеа со дупки, ископани улици, повредени животни, како и проблеми поврзани со собирањето ѓубре и други градски нарушувања.

Фото: СДК.МК)