Стоилковиќ возвраќа на критиките од СДСМ: „И во живо и на умреница сум поубав“

Размената на обвинувања меѓу опозициската СДСМ и Иван Стоилковиќ, претседател на Демократската партија на Србите во Македонија и актуелен министер за локална самоуправа, ескалира по објава на Фејсбук и по реакциите објавени на регионално ниво.

СДСМ во пост на Фејсбук, придружен со црно‑бела фотографија од Стоилковиќ, го обвинуваат дека користи јазик на поделба и дека неговата реторика е целосно копие на кампањата на Вучиќ во земјава. Во објавата, од СДСМ велат: „Стоилковиќ ја заострува реториката. А ВМРО бандата се нафрли врз младите кои носеа транспарент со вистината за водата во Ново Село. Вучиќ си има свои 'батинаши', а сега Мицкоски се обидува да создаде свои насилници и тепачи“.

Одговорот на министерот

За Стоилковиќ, објавата на СДСМ е морбидна. Тој возврати со порака на Фејсбук: „Порака со умреница, баш очајно! И во живо и на умреница сум поубав од Вас и не заборавајте, на крајот убавината секогаш го победува злото“.

Засиленото разменување на пораки доаѓа откако неделава портал објави реакција на Регионалниот одбор Куманово на српската заедница во Македонија, во која се употребени силни епитети, меѓу кои „политичка бљувотино“ и „духовен изроду“. Текстот беше споделен и од Стоилковиќ, кој ги повика припадниците на српската заедница „да не паѓаат на нивото на од злото распаднатата СДСМ дружина, предводена од политичкиот дунстер Венко Филипче“.

По ова следеа реакции и од српска политичка сцена. Демократската партија (ДС) оцени дека "Нападот од Стоилковиќ на Филипче не е одбрана на српските интереси, туку политичко насилство од Вучиќ". ЛСВ го оцени текстот како политички памфлет чија цел е да го заштити Стоилковиќ; како што реагираа, „Памфлетот со навреди кон Филипче не е став на српскиот народ, целта е да се заштити Стоилковиќ".

СДСМ постојано обвинува дека Стоилковиќ е дел од „српскиот свет“ и дека ги брани руските интереси во земја членка на НАТО. Минатата недела лидерот на СДСМ, Венко Филипче, најави поднесување интерпелација против министерот за, како што рече, насилничко однесување и навреди кон пратеници за време на седницата за владина реконструкција и за време на паузата. „Очекувам голема криза од септември, рече Филипче и најави поголема офанзива на СДСМ во Собранието".

Фото: прес-материјал од настанот