Стотици илјади на марш во Техеран, прикажана нова паравоена формација

Иранските власти организираа масовен марш во Техеран на кој, според официјалните податоци, учествувале стотици илјади луѓе со цел да се покаже единство и решеност во одбрана на теократскиот режим во конфронтацијата со Соединетите држави.

Приказ на нова доброволна формација и противвоздушни сили

Главниот фокус на собирот беше новата паравоена формација составена од цивили кои добиле рудиментарна воена обука и учење за ракување со автоматско оружје. Режимот ја претстави како сила подготвена да го положи својот живот за одбраната на земјата.

За време на маршот беа прикажани и делови од батериите на противвоздушната одбрана, како одговор на тврдењата дека тие биле речиси уништени во напади што им се припишуваат на Израел и САД.

Оваа формација е доброволна и ќе функционира одделно од веќе воспоставената Басиџ, додека и двете се под команда на Исламската револуционерна гарда. Командантот на гарда, генералот Хасан Хасанзаде, изјавил дека 600.000 Иранци се пријавиле да ѝ се приклучат на новата формација.

На собирот беа слушнати и изјави од граѓани. Фатемех Амири рече: „Ќе се борам против нив со оваа пушка, дури и без пушка, со нашата верба во Бога сигурно ќе ги поразиме. Божја волја е дека овој народ ќе победи“.

Захра Мофрат додаде: „ Дојдовме да им порачаме на убијците на бебиња, непријателите Израел и Америка дека ќе ја поддржуваме оваа револуција до последната капка крв. Ќе им удриме уште шлаканици по лице“.

Фото: прес-материјал од настанот