Стравично невреме во Ратен: дрво уби 28-годишен маж

28-годишен маж загина откако врз него паднало дрво за време на силно невреме во Ратен, Германија. Несреќата се случила околу 18 часот додека силни грмотевици го зафатија делот од покраината Саксонија.

Екипи на итна медицинска помош, пожарникари и планинската спасувачка служба стигнале на местото за само неколку моменти. Низ снимките од терен се гледа обемна штета во шумата и многу искршени стебла.

Одговорот на спасувачите

„Дрвото падна врз жива далноводна линија за време на невреме во Германија, предизвикувајќи електрични пражнења кои видливо пулсираат низ пламените“, објави на социјалните мрежи Самуел О. Дада, прикажувајќи видео од местото.

„Екипата со дрон е на местото и проверува дали има уште жртви. Се користи и термална камера. Невремето било со огромна сила, а дури и планинарската спасувачка куќичка била оштетена од паднати дрвја“, изјавил д-р Кај Крајних, потпратставник на планинската спасувачка служба. За 28-годишниот маж немало спас — тој починал на местото. Уште тројца луѓе се здобиле со тешки повреди.

Снимките од местото покажуваат повеќе искршени стебла, а патиштата и пешачките патеки биле прекриени со паднати гранки и лисја. Бидејќи возилата не можеле да стигнат до сите делови од областа, спасувачите тргнале пеш со носилки прицврстени на грбот за да проверат дали има повредени заклучени под дрвја. Работници од државната шумска служба влегле во шумата со моторни пили за да расчистат и да бараат евентуални жртви.

Невремето пристигнало по неколкудневен топлотен бран, при што во делови од Саксонија температурите достигнале и до 38 степени Целзиусови.

Фото: Икс / @cyybergrll