Судскиот совет ја прогласи претставката на 75 вработени во Куманово за основана

Судскиот совет го оцени како основана претставката поднесена од 75 вработени во Основниот суд Куманово, по истрага која открила тврдења за навреди, заплашување и нарушена работна атмосфера поврзани со претседателката Снежана Манев.

Работна група ги сослуша вработените на лице место; повеќето наоди ги сметаа за веродостојни

Работна група од Судскиот совет ја посетила судската установа и разговарала со 65 вработени, а на седница беше презентиран извештајот со забелешките и наодите. „15 изјавија дека лично искусиле или биле сведоци на конкретните наводи во претставката. Другите вработени изјавија дека слушаат постојани викања, повисоки тонови на обраќање, дека чувствуваат притисок и лоша работна атмосфера, дека не се согласуваат со начинот на кој се постапува со годишните одмори, дека се чувствуваат понижено и дека постои чувство на постојан надзор од претседателката“, рече Сузана Јошевска Анастасовска, членка на Судкси совет.

Во одговорот до Судскиот совет, Манев навела дека обвинувањата се „неосновани, тенденциозни и паушални“ и обвинила дека зад претставката стои мала група вработени предводена од судскиот администратор, кои барале дисциплина и отчетност. Таа го образложила и фактот дека вршела контроли и интервенирала затоа што, според нејзината оценка, судската служба не функционирала одговорно.

Гласот на Советот бил поделен: осум членови ја сметале претставката за основана, додека двајца сметале дека не треба да се брза или дека Советот нема надлежност. „Начинот на кој што таа управува е преку прекумерна строгост, лоша вербална комуникација, страв на вработените и сметам дека тоа значи излегување од нејзините законски надлежности и претставката е основана“, рече Сузана Јошевска Анастасовска, членка на Судски совет.

Неколку членови повикале на претпазливост и процедурални гаранции. „Не може ние по поплаки да одлучуваме дали ќе разрешиме или не претседател, без утврдени факти како работел и дали се основани наводите во поплаките“, рече Тања Чачарова Илиевска, членка на Судски совет. Истовремено, Ивица Николовски посочил конкретни мерки воведени од претседателката: „Дали претседателот треба да дозволи вработените да не одат на работа, да се куцаат вештачки преку лица со картички. Во услови кога било побарано од судскиот администратор да преземе мерки – кога видела дека нема резултати, си вовела тетратка кому смета тетратката – на неработнициите. Ако сака судот да биде ажурен, треба да го преземе тоа“.

Синдикатот УПОЗ неодамна предупреди дека доколку Судскиот совет не постапи по претставките, ќе повика штрајк, и побара разрешување на Манев поради, како што велат, мобинг кон дел од вработените. Случајот останува отворен додека Советот одлучува за натамошни мерки и евентуални дисциплински постапки.

Фото: прес-материјал од настанот