Banka Botërore rrit parashikimin: rritje 3,2% për Maqedoninë e Veriut në 2026
Raporti i tetorit e lidh rritjen e pritshme me përshpejtimin e projekteve infrastrukturore.
Banka Botërore ka rritur parashikimin për rritjen ekonomike të Maqedonisë së Veriut në 2026 në 3,2%, nga parashikimi i mëparshëm prej 2,9%.
Në raportin e tetorit, Banka Botërore thekson se projektet infrastrukturore do të jenë motorët kryesorë që do të mbështesin rritjen më të shpejtë vitin e ardhshëm.
Parashikimi afatmesëm
Për vitet 2027 dhe 2028, Banka parashikon rritje prej 3,0% për Maqedoninë e Veriut për secilin vit.
Për rajonin e Ballkanit Perëndimor, banka parashikon rritje ekonomike prej 3,1% në 2026 dhe 3,4% në 2027 dhe 2028.
Rritja e parashikimit pasqyron një impuls më të fortë investimesh, kryesisht në infrastrukturë publike; megjithatë, ruajtja e këtij trendi do të varet nga shndërrimi i këtyre investimeve në aktivitet më të gjerë të sektorit privat dhe tregun e punës.
Foto: material shtypi nga ngjarja
