Тамара Волческа: од униформата до сцената — гостиварчанката што ги запали „Ѕвездите на Гранд“
29-годишната од Гостивар доби шест гласа од жирито, привлече пофалби од Цеца и ќе работи со менторот Александар Милиќ – Мили.
Тамара Волческа, 29-годишна од Гостивар, го освои почетокот на новата сезона на најгледаното регионално музичко шоу „Ѕвездите на Гранд“ со моќен вокал и доминантен настап. Таа доби 6 гласа од жирито, а Цеца ја нарече „вистински бисер што доаѓа од Македонија“. Нeјзин нов ментор ќе биде Александар Милиќ – Мили.
Професијата што ги изненади сите
И покрај препознатливиот стил, атрактивните тетоважи и настапите во ноќните клубови, приватниот и професионалниот живот на Тамара крие неочекуван елемент. Покрај песни како „Не бројам до 3“ и макфестовската „Кажи ми да знам“, таа е професионално вработена во Армијата на Република Северна Македонија (АРМ).
За службата во униформа Таmара изјавила: "Да си жена војник е огромна чест и задоволство, а униформата е благослов и моќ. Иако е тежок пат со многу жртвување, кога го правиш тоа со цел за својот народ, ништо не е тешко". Таа додава дека колегите од АРМ ѝ даваат голема поддршка за нејзината музичка кариера.
Тамара признава дека своите текстови ги црпи од личните искуства. Песната за Макфест, „Кажи ми да знам“, ја напишала во исклучително турбулентен период кога нејзините родители се разведувале, пренесувајќи ја болката во ноти. Таа е многу блиска со помалата сестра со која го дели истиот датум на раѓање (со 4 години разлика) и вели дека не бара комфор туку постојано бара нови предизвици.
Со својата автентичност и неоспорлив сценски талент, Тамара веќе важи за еден од најголемите фаворити оваа сезона на „Ѕвездите на Гранд“.
Фото: прес-материјал од настанот
