Татијана Стефановска ја покажа семејната идилија: сопругот во форма, ќеркичката ги украде сите погледи

Татијана Стефановска објави неколку фотографии од семејните летни моменти на кои најмногу се истакнуваат нејзиниот сопруг, музичарот Митко Бежановски, и ќеркичката Ана.

Во објавите се гледаат сцени од песочната плажа: Митко како стои и ја следи Ана додека се игра, гумен чамец покрај неа, а подоцна и семејно селфи на кое гордо позираат сите тројца. Брзо се огласија следбениците и колешките, кои ги забележаа неговата физичка форма.

Мајчинството и тешкиот пат до среќата

Пејачката, родена во Битола, на потсетување за тоа како дошла до улогата мајка, потврдува дека не било лесно: нејзината ќерка Ана оваа година наполни пет години, а Татијана имаше 42 години кога ја роди.

За промените кои ги донело мајчинството таа кажа: "Јас сум и премногу грижлива мајка. Не ја сакам таа особина кај мене, но, тоа е што е. Можеби е така, затоа што, тешко стигнав до дете, можеби тоа што на 42 ја родив Ана.. не многу млада. Сепак повозрасна жена е посвесна за работите и опасностите кои можат да се случат, па затоа сум и повеќе претпазлива и повеќе паничам од многу други мајки", изјави Татијана.

Таа се присети и на тешкотиите што ги поминала пред да стане мајка: "Многу тешки ситуации поминав за да станам мајка, но ниеднаш не се пожалив и ниту еднаш не бев гневна. Работите си доаѓаат кога Бог сака и ние не можеме да го смениме тоа. Сѐ вредеше, за сега да ја имаме Ана", изјави Татијана.

Фото: прес-материјал од настанот