Трагедија во Белград: Десет деца повредени на ескалатор во трговски центар
Инцидентот се случи околу 14:35; Јавното обвинителство нареди итна истрага.

Десет деца на возраст од 8 и 9 години се повредени денеска околу 14:35 часот во трговскиот центар „Галерија“ во Белград, откако масовно паднале на подвижни скали.
Итна помош и пренос во болница
Според првичните податоци, седум деца се здобиле со тешки повреди, додека три имале полесни повреди. Повредените се пет момчиња и пет девојчиња, кои биле дел од организирана група од околу 40 ученици во придружба на наставнички.
Очевидци сведочат за ужаси со крв на подот и исплашени деца. На терен интервенирале пет екипи на Итната помош, а повредените итно биле пренесени во Ургентниот центар во Белград.
Полицијата го блокираше местото, а Основното јавно обвинителство нареди итна истрага. Се прегледуваат снимки од камерите и се земаат изјави од раководството на училиштето и од менаџментот на трговскиот центар.
Во рамки на истрагата ќе се проверува и техничката документација за исправноста и одржувањето на ескалаторите.
Се уште не се објавени имиња на повредените или дополнителни медицински информации.
Фото: прес-материјал од настанот


