Трајче Мајка и сопругата Вики ја прославија отворањето на новата ординација

Познатиот музичар Трајче Толевски, под уметничкото име Трајче Мајка од емисијата „Мерак меана“, заедно со сопругата, докторката Вики Толевска, имаше повод за славје — официјално беше отворена нивната нова приватна ординација.

Отворање на „Толевска Медика – Св. Кузман и Дамјан“

Др. Вики ја отвори ординацијата „Толевска Медика – Св. Кузман и Дамјан“, исполнувајќи уште еден професионален сон. На свеченото отворање присуствуваа пријатели, колеги и личности од естрадата кои дојдоа да им го честитаат важниот момент.

Атмосферата на прославата беше полна со насмевки и честитки; домаќините не криеја задоволство што нивниот напор завршил со атрактивен медицински центар. Вики е позната кај музичарите и понекогаш и се шегуваат дека е „Клеопатра“, бидејќи им била матичен лекар на многу фаци од јавниот живот.

Трајче и Вики живеат заедно уште од студентските денови, а нивната љубовна приказна е и поучна и забавна. Како што се потсети Трајче: “Се запознавме на музика. Свирев кај нејзини комшии… Јас со хармониката, а таа атрактивна — веднаш ме освои! Муабет на тераса, па ѝ закажав средба во Градски трговски центар кај 'Чичко Стоилко'”.

Од скромните почетоци — кога живееле во една соба со тоалет во дворот — парот денес се гордее со резултатите и со своите две деца, син и ќерка, кои им се најголемо богатство.

Новата ординација веќе прими пациенти, а по повод отворањето нуди специјален попуст од 50% на сите услуги за оние што ќе закажат термин во промотивниот период. Честитки за семејството Толевски и желби за уште многу успеси и задоволни пациенти.

Фото: прес-материјал од настанот