Трамп: Европа ја „убиваат“ миграцијата и енергијата

Американскиот претседател Доналд Трамп уште еднаш ги повика европските лидери да преземат поостри мерки против илегалната имиграција, оцени дека имиграцијата заедно со енергетската политика се двата главни фактора што ја „убиваат“ Европа.

Во обраќање пред новинарите во Овалната соба, Трамп посочи дека Европа се соочува со два клучни проблеми кои бараат итна реакција од властите. „Две работи ја убиваат Европа. Првата е миграцијата, а втората е енергетиката“, рече тој, повикувајќи ги европските влади да ја затегнат граничната политика.

Зголемен мигрантски притисок; Сеута во фокусот

Изјавата доаѓа во контекст на зголемен мигрантски притисок врз европските граници, вклучувајќи и неодамнешниот бран кон шпанската енклава Сеута. Трамп предупреди дека некои земји дозволуваат влез на лица кои, како што оцени, нема да им помогнат.

„Дозволувате влез на луѓе кои, во многу случаи, нема да ви помогнат. Ќе бидам благ, тие едноставно нема да ви помогнат“, им рече тој на новинарите.

Трамп претходно предупредуваше дека имиграцијата и „зелената“ енергетска политика се „двоглаво чудовиште“ што ја уништува Европа, тема што ја повторуваше и во други јавни настапи.

Коментарите доаѓаат во период во кој Трамп остро ја критикува европската миграциска и енергетска стратегија и повикува на поцврсти гранични мерки и поинаков пристап кон енергетската политика.

Фото: прес-материјал од настанот