Убиен познат бизнисмен, пронајден во изгорена куќа во Банкија

Бугарското јавно обвинителство отвори истрага за предумислено убиство по смртта на 56-годишниот бизнисмен Владимир Јанков, чијте остатоци беа пронајдени во изгорената семејна куќа во Банкија, во близина на Софија.

Од Обвинителството информираа дека случајот го води Софиското градско обвинителство, а истрагата започнала веднаш по извршениот увид на местото на трагедијата.

Телото на Јанков било откриено во понеделник рано изутрина, откако противпожарните екипи излегле на интервенција по пријава за пожар. Според официјалните информации од бугарското обвинителство, Јанков е убиен на 27 јули 2026 година; пријавата за пожар била примена во 04:14 часот, а пожарникарите при интервенцијата пронашле неговото обгорено тело.

Насоки на истрагата

Според досегашните сознанија, една од главните насоки на истрагата е дека пожарот бил намерно предизвикан по убиството со цел да се уништат докази и да се прикријат околностите на злосторството. И од противпожарната служба претходно посочија дека огнот најверојатно бил намерно подметнат.

Истражните органи соопштија дека продолжуваат со собирање и анализа на материјални докази, како и со сослушување лица кои би можеле да помогнат во расветлувањето на случајот.

Дел од бугарските медиуми објавија дека една од можните мотиви за убиството е наводна кражба на значителна сума средства од криптопаричникот на Јанков, но Обвинителството засега не ја потврдува оваа информација и нагласува дека сите околности сè уште се предмет на истрага.

Фото: прес-материјал од настанот