Shporta shkollore me 15% zbritje në plan — sa do të paguajnë familjet

Me pak se dhjetë ditë deri në fillimin e vitit shkollor, po përgatitet përsëri masa e qeverisë e quajtur "shporta shkollore" për të ulur shpenzimet e prindërve para fillimit të mësimit.

Ministria e Ekonomisë dhe Punës ka njoftuar se shporta do të ketë një zbritje prej 15 për qind, dhe vendimi pritet të vihet në votim në seancën qeveritare këtë të martë. Zyrtarët thonë se zbritjet do të ndryshojnë nga tregtari te tregtari, në varësi të zgjedhjes, cilësisë dhe markës së produkteve.

Çfarë përfshijnë paketat dhe reagimet e qytetarëve

"Shportat do të jenë të shënuara qartë dhe të vendosura në një vend të dukshëm, me përbërjen dhe çmimet e produkteve të përshkruara saktë. Në këtë mënyrë, prindërit do të kenë informacion të plotë paraprakisht për atë që përmban paketa dhe cili do të jetë çmimi i saj," tha Ministria e Ekonomisë dhe Punës.

Libraritë kanë nisur tashmë shitjen e materialeve shkollore. Punonjësit thonë se çmimet ndryshojnë nga produkti në produkt, por nuk janë rritur në mënyrë drastike; megjithatë shumë qytetarë ndajnë një opinion tjetër. "Është më e shtrenjtë këtë vit se vitin e kaluar. Për gjithçka që duhet të blihet për një fëmijë, nëse vitin e kaluar kemi paguar rreth katër-pesë mijë, këtë vit duhet të paguajmë shumë më shumë," tha një prind.

"Gjithçka është më e shtrenjtë. Çanta kushton 50 euro; çdo vit mbesës sonë kërkon çantë të re," shtoi një tjetër qytetare.

Llogaritjet e Unionit të Sindikatave të Maqedonisë tregojnë se një familje me dy nxënës shpenzon rreth 7.200 denarë në muaj për arsimin — rreth 10.5% të shpenzimeve të përgjithshme familjare.

Foto: material shtypi nga ngjarja