Васе Анакиев: инспекторка сведочи дека ја натерале да ги блокира камионите со ѓубриво

Фитосанитарната инспекторка Весна Велиновска денеска на судското рочиште сведочеше дека добила наредба од раководството — вклучувајќи го и тогашниот директор Васе Анакиев — да не ги пушти петте камиони со ѓубриво на преминот Делчево и дека поради тие насоки се разболела, со зголемен притисок и шеќер.

Хронологија и апсењето со 50.000 евра

Велиновска, вработена во Државниот земјоделски инспекторат и таа што постапувала за увозот на фирмата „Манови“ од Делчево, рече дека настаните почнале на 2.03.2026 година кога тимот бил викнат на граничниот премин Делчево да провери дали пратката е во ред. Таа пред обвинителката Искра Хаџивасилева објасни дека раководителката ѝ дала насоки кои документи да ги бара, затоа што, како што ѝ рекле, ѓубривото во рефус не смее да влезе.

„Хронолошки настаните почнаа на 2.03.2026 година. Бевме викнати на ГП Делчево во контрола, дали тоа ѓубре е во ред. Раководителката ми даде упатство кои документи да ги бараме, зашто ѓубре во рефус не смее да влезе. Ние им кажавме на шпедициите да не влегуваат камиони дури ситуацијата не се реши, но на шести трети влезе еден камион, а после уште 4. На шести се јавив да прашам како да постапам зашто имаше забрана. Петте камиони беа од ‘Манови’ од Делчево. Не ми одговорија на мејлот“, сведочеше Велиновска.

Обвинителството го обвинува Анакиев дека барал 100.000 евра мито за да им овозможи на сопствениците на оштетената фирма да ги пропуштат петте камиони, а тој беше фатен со 50.000 евра во гаражата во комплексот каде што живее поранешниот министер за земјоделие Цветан Трипуновски. За него е поднесен обвинителен акт за кривично дело – Примање поткуп.

Инспекторката раскажа дека добивала упатства да ги враќа камионите по член 19 од Законот за ѓубре и дека пред да постапи се консултирала со адвокат и со претседателот на синдикатот. „Јас и’ кажав дека член 19 се однесува на пласирање на пазарот во Македонија, а член 20 е за увоз“, рече таа.

„Имав притисок да ги вратам камионите назад, да работам обратно од досега. Затоа решив да му пишам на директорот. Се консултирав и со адвокат да не направам грешка. Се чув и со претседателот на синдикатот. Сите ми рекоа дека ѓубрето во рефус треба да влезе“, додаде Велиновска.

Камионите на пријавителите од Делчево пристигнале на 6 март и останале на граница цела недела; на 13 март биле вратени назад кон Бугарија. Таа рече дека на 7 март Анакиев ѝ кажал дека се консултирал со правници и дека досега начинот на постапување бил надвор од законот, па наложил камионите да се вратат.

Инспекторката потврди дека стапила официјална забрана и дека ставила печат на анализата на ѓубривото. На прашање дали законот забранува увоз на ѓубриво во рефусна состојба, таа одговори дека законот не предвидува ваква општа забрана, освен за амониум нитрат како експлозивна состојка; во конкретниот случај станувало збор за уреа.

На крајот Велиновска рече дека мејлот со забраната — со потписи на тројца раководители и потпис на директорот, обвинетиот Васе Анакиев — останал во сила, и го потврди присуството на уште две надлежни лица во мејл-комуникацијата.

Фото: СДК.МК)