Kristal 1923 nga Velesi: u përjashtuam nga lista përfundimtare e IPARD, megjithëse ishim në dy lista paraprake
Kompania aplikoi për 1.5 milionë euro dhe ishte e renditur e 21-ta nga 43 në listën paraprake, por mungon në listën e përfituesve.
Prodhuese e vajit të gatimit nga Velesi, "Kristal 1923", ka reaguar për ndarjen e fondeve nga Instrumenti i Ndihmës para-Aksesi për Zhvillim Rural – IPARD, për thirrjen e vitit 2024. Kompania thotë se është përjashtuar nga lista përfundimtare e përfituesve, edhe pse shfaqej në dy listat paraprake.
Sipas kompanisë, ajo ka aplikuar për 1.5 milionë euro. Në listën e dytë paraprake ishte renditur e 21-ta nga 43 kompani, por mungon në listën përfundimtare. Po ashtu, sipas Kristal 1923, në mesin e përfituesve përfshihen firma që nuk ishin në listat paraprake.
Çfarë është IPARD dhe kush menaxhon paratë
IPARD (Instrumenti i Ndihmës para-Aksesi për Zhvillim Rural) është programi dhe fondi i BE-së për modernizimin e bujqësisë në Maqedoninë e Veriut. Në terren, procedurat menaxhohen nga Agjencia për Mbështetje Financiare në Bujqësi dhe Zhvillim Rural, që publikon thirrjet, vlerëson aplikimet dhe kryen pagesat.
"Nuk mund të gjejmë një arsye pse u refuzuam. Ishtë në të dyja listat paraprake, dhe në të dytën me më shumë pikë pasi ne jemi blerës i lulediellit që më pas e përpunojmë. Me habinë tonë të madhe, nuk ishim në listën përfundimtare. Por kishte kompani të tjera që nuk ishin në listat paraprake. Fillimisht u njoftua se rezultatet do të publikoheshin deri në dhjetor 2024, dhe thirrja u shpall më 12 korrik 2024. Gjatë këtyre dy viteve nuk morëm asnjë informacion për ecurinë e procedurës, çfarë po ndodh, pse u vonua," thotë Olgica Stojanova, drejtoreshë e prodhimit në "Kristal 1923".
Firma kërkon shpjegim për arsyet e përjashtimit dhe për vonesën dyvjeçare pa informata zyrtare, pasi deri tani nuk ka marrë asnjë sqarim që të shpjegojë ndryshimin midis listave paraprake dhe asaj përfundimtare.
Foto: СДК.МК)
