ВМРО‑ДПМНЕ: Филипче го испрати Жерновски да клевети, двајцата се исплашени од одговорноста

ВМРО‑ДПМНЕ преку писмено соопштение ги оцени како лажни и клеветнички обвинувањата изнесени на денешната прес‑конференција на секретарот за меѓународна соработка на СДСМ, Андреј Жерновски, и го обвини лидерот на СДСМ, Венко Филипче, дека го испратил за да ги пласира тие тврдења.

Во прес‑конференцијата Жерновски ги обвини премиерот Христijan Мицкоски, гувернерот на Народната банка Трајко Славески и Јавното обвинителство дека молчат за наводите дека по изборниот пораз на Александар Вучиќ во Србија во земјава се префрлаат крупни суми пари преку Алта банка.

ВМРО‑ДПМНЕ: Обвинувањата се од страв

Во реакцијата од владејачката партија се вели дека Жерновски бил испратен од Филипче и дека таквите напади се последица на стравот од одговорност за минатото работење.

Во соопштението стои: „И Венко и Жерновски знаат дека матните зделки завршија со нивниот пад во 2024 година, и всушност тоа е што ги боли, што повеќе не може да крадат пари со луѓето од Вучиќ со кои местеа милионски тендери. Вистинскиот страв е кај неговиот шеф Венко, кој е свесен дека остатоците во обвинителството и судството не може вечно да го спасуваат од криминалите, како што имаа обид да го спасат за модуларната болница“,

Покрај тоа, ВМРО‑ДПМНЕ ги обвинува опозициските функционери дека ја изгубиле довербата кај граѓаните заради слугување на личниот интерес и дека сега се плашат од правдата која, според партијата, полека ги стигнува.

Фото: прес-материјал од настанот