Загреаното Средоземје може да предизвика моќни циклони и големи поплави на Балканот оваа есен

Летото што се повлекува, особено во западна и југозападна Европа, беше ненормално топло и во многу региони бележеше повторливи екстремни бранови на топлина. Тоа доведе до значително зголемување на температурата на површината на Средоземното море, а според метеорологот Славчо Попоски, токму ова загревање би можело да направи услови за формирање моќни циклони и обилни врнежи на Балканот оваа есен.

„ Токму ова загревање на Средоземното море голема е веројатноста да предизвика формирање на моќни циклони кои ќе предизвикаат големо количество на врнежи на Балканот, вклучувајќи ја и Македонија. Оваа есен голема е веројатноста врнежите на Балканот и во Македонија да бидат значително повисоки од просечните.

Во ваква ситуација, има голема веројатност оваа есен Балканот, и Македонија да имаат проблеми со врнежите, односно честите и обилни врнежи од дожд и временските непогоди кои се се поизвесни есенва на Балканот и во Македонија може да предизвикаат сериозни поплави и многу проблеми.

Токму поради ова, апелирам граѓаните да бидат навремено подотвени за екстремни метеоролошки појави оваа есен кои се се поизвесни на Балканот и во Македонија“, објави тој.

Како загреаното море го засилува времето

Покачените температури на површината на морето значат повеќе енергија и влажност во атмосферата. Кога циклони се формираат во близина на претоплена морска површина или се преместуваат преку неа, тие можат да се интензивираат и да носат многу поголеми количини врнежи од вообичаено.

За Македонија ова може да значи зголемен ризик од краткотрајни, но екстремни дождови, понирати реки и урбани поплави, особено на локации каде што невремето ќе застане подолго време. Институциите за итни случаи и инфраструктурните служби ќе бидат под поголем притисок за контролирање на водостоите и заштита на ранливите подрачја.

Попоски ја поврзува појавата со екстремното топло лето во делови од Европа и со сигналите од метеоролошките анализи за можно силно Ел Нињо оваа зима — фактори кои дополнително можат да ја променат сезонската клима во регионот.

Граѓаните и надлежните се советуваат да ги прегледаат плановите за заштита од поплави, да ги исчистат каналите и сливовите и да ги следат официјалните предупредувања и прогнози во текот на есента.

Фото: прес-материјал од настанот