Зеленски на Денот на независноста: Фламингоси мора да „презимат“ во Русија

Украина денеска го одбележува 35‑годишниниот од независноста, а претседателот Володимир Зеленски на националниот празник порача дека земјата е подготвена да стави крај на војната, но нема да ги прифати непроменетите услови од Москва.

Во околу 20‑минутна видео порака на Фејсбук тој предупреди дека не смее да им се дозволи на другите да ја преземат иницијативата и да ја измамат Европа и светот за да се натера Украина брзо да се откаже од територии.

Зеленски нагласи дека Украина не подарува она што ѝ припаѓа и се обратил директно до Владимир Путин: „Сакаше да ја заземеш целата наша Украина, целата наша земја, наместо тоа ги загуби своите нафтени рафинерии, својата флота, својата заработувачка, цела генерација која ја испрати во кланица“.

Одбранбената индустрија и „Фламингос“

Претседателот ја истакна клучната улога на украинската одбранбена индустрија во зачувувањето на независноста и изрази надеж дека ракетите „Фламинго“ ќе имаат важна улога во текот на зимата, како средство за напади длабоко на руска територија.

„Илјадници наши напади длабоко на руска територија веќе се забележани во Москва, Тула, Рјазањ. Омск и десетици други места до кои веќе стигна нашата украинска правда. Русија мора да види уште од таа правда. Фламингоси не треба да бидат редок вид, туку прици кои доаѓаат во јато. Мора „да презимат“ во Русија“, наведе тој, употребувајќи метафора со цел да ја нагласи намерата на Киев да ја одржи воената пресметка.

Во своето обраќање Зеленски ја постави независноста како момент на решителност: Украина е подготвена за мир само ако тоа не значи губење на нејзиниот територијален интегритет.

Фото: прес-материјал од настанот