Земјотрес од 5,9 степени ја погоди централна Јапонија — 37 повредени, железнички сообраќај нарушен

Земјотрес со интензитет од 5,9 степени ја потресе потранцијата околу Токио рано изутринава, при што најмалку 37 лица се повредени, а железничкиот сообраќај во и околу главниот град беше нарушен.

Јапонската метеоролошка служба соопшти дека земјотресот бил регистриран околу два часот по локално време, со епицентар во јужниот дел на префектурата Ибараки, недалеку од Токио, на длабочина од 68 километри.

Операторите на железниците во Токио привремено прекинаа или забавија линии додека технички екипи проверуваа за оштетувања; засега нема пријавено значителни материјални штети низ градот. Има пријавено мало оштетување на зграда во Саитама, северно од престолнината, а властите проверуваат дали пукањето цевка од водоводот во Токио е поврзано со потресот.

Предупредување за одрони и последователни потреси

Јапонската метеоролошка служба предупреди на зголемен ризик од одрони бидејќи подрачјето вчера беше зафатено од обилни врнежи, и посочи дека може да има силни последователни потреси во наредните денови. Екипите за итни интервенции се во приправност и вршат проверки на инфраструктурата.

Локалните власти продолжуваат со проценка на бројот на повредени и евентуалните штети. Досега инцидентот не предизвика широко распространети материјални разурнувања, но се повикува внимателност кај жители на нестабилни терени и во постари објекти во следните 48–72 часа.

Фото: прес-материјал од настанот