ZNAM propozon ndryshime ligjore për qasjen e të adoptuarve në informacionet e prejardhjes

Grupi parlamentar i Lëvizjes ZNAM në Kuvend ka dorëzuar ndryshime në Ligjin për Familjen, me të cilat propozohet që personat e adoptuar të kenë të drejtë të marrin informacione për prejardhjen e tyre.

Sipas propozimit, përcaktohen kushtet dhe rrethanat e sakta në të cilat personat e adoptuar do të kenë të drejtë për të tilla informacione, me mbrojtjen e të drejtave të të gjithë palëve të përfshira.

Vlerësim nga një komision profesional

Lëvizja thotë se zgjidhja ligjore aktuale nuk parashikon asnjë mekanizëm për vlerësim individual dhe asnjë mundësi për institucionet që të shqyrtojnë rrethanat specifike të çdo rasti. Si konfirmim për këtë problem, ZNAM përmend edhe një vendim të Gjykatës Evropiane për të Drejtat e Njeriut.

"Në vendimin 'Mitrevska kundër Maqedonisë' nga viti 2024, gjyqi gjeti shkelje sepse i ishte kufizuar plotësisht qasja në informacione që i nevojiteshin për shkak të gjendjes së saj shëndetësore. Të jemi të saktë, shteti ynë ka detyrim të verojë vendimin e Strasburgut dhe të respektojë standardet evropiane dhe mbrojtjen e të drejtave të njeriut të garantuara me Konventën", tha Lëvizja ZNAM.

ZNAM thekson se me ndryshimet e propozuara nuk synohet heqja e fshehtësisë së adoptimit apo qasje në të gjitha të dhënat. Përkundrazi, propozohet që një komision profesional të vlerësojë çdo rast në veçanti dhe të vendosë për publikimin e informacioneve duke iu kushtuar mbrojtje të drejtave të të gjithë të përfshirëve. Sipas ZNAM, kjo është veçanërisht e rëndësishme kur informacionet e kërkuara janë thelbësore për shëndetin e personit të adoptuar.

"Kjo nuk është një tekst përfundimtar i ligjit, por një propozim me të cilin nisim një debat profesional dhe shoqëror. I ftojmë të gjithë – ekspertët, organizatat e shoqërisë civile, komunitetin akademik, institucionet kompetente dhe të gjithë qytetarët e interesuar – të përfshihen me vërejtjet dhe propozimet e tyre. Parimi ynë nuk është të propozojmë ndryshime ligjore të përgatitura pas dyerve të mbyllura, pa dëgjuar mendimin e të gjithëve", tha Lëvizja ZNAM.

Lëvizja i ftoi palët e interesuara dhe institucionet të dorëzojnë komentet dhe propozimet e tyre gjatë shqyrtimit parlamentar të ndryshimeve.

Foto: MIA