Амандманска расправа за предлог‑законот за пријавување и проверка на странски директни инвестиции

На собраниската Комисија за надворешна политика и надворешна трговија денеска се одржа амандманска расправа за Предлог‑закон за пријавување и проверка на странски директни инвестиции, кој предвидува воспоставување национален механизам за скрининг.

Прашања на прагови и надлежности

Предлогот, кој на натамошно читање беше даден на 121 седница на Собранието и доби поддршка од сите пратеници, има поднесено 15 амандмани. Дел амандмани поднесоа пратениците Димитар Ковачевски, Соња Мираковска и Моника Зајкова од пратеничката група предводена од СДСМ, а неколку амандмани поднесе и Сали Мурати од Коалицијата Европски фронт.

Со предложениот закон се предвидува пријавување и проверка на странски директни инвестиции во строго утврдени критични и сензитивни сектори секогаш кога постојат сериозни индиции дека реализацијата на инвестицијата би имала негативен ефект врз националната безбедност, јавниот ред или стратешките интереси.

Законскиот текст ги дефинира прагoвите: странска директна инвестиција може да се реализира само по претходно донесена позитивна или условно позитивна одлука од страна на Владата ако инвеститорот стекнува најмалку 10% од основната главнина и/или правото на глас и ако вредноста на стекнувањето не е помала од 50.000 евра.

Поради тоа што во земјата не постои посебен закон или подзаконски акт што ја дефинира критичната инфраструктура, со предлог‑законот се дава правен основ Владата, на предлог на Министерството за одбрана, да ги утврдува секторите и видовите на критична инфраструктура кои ќе бидат опфатени со примената на овој закон.

За надлежен орган за пријавување и проверка е предложено да биде Министерството за надворешни работи и надворешна трговија, кое по претходна постапка на консултации со надлежните институции (МО, МВР, МФ, МЕТ, АНБ, НБРМ, МЕРМС, КЗК и други) ќе дава предлог до Владата дали одредена инвестиција треба да биде дозволена, дозволена под одредени услови или одбиена.

Против одлуката на Владата инвеститорот има право да поведе управен спор пред nadležниот суд во согласност со Законот за управни спорови. Предлог‑законот е на дневен ред и на Законодавно‑правната комисија.

Фото: прес-материјал од настанот