Ангелов: Пожарите околу селата се полесно шират поради немањето крави и намалениот добиток; му ја дадов таа информација на Мицкоски

Директорот на Дирекцијата за заштита и спасување Стојанче Ангелов во емисијата „Стадион“ на Канал 77 на 22 август 2026 истакна дека пожарите околу селата се предизвикани во голем дел од напуштањето на населбите и наглото намалување на слободно пашниот добиток.

Објаснувајќи како структурата на вегетацијата ја менува динамиката на огнот, Ангелов рече: "Козите пасат ниско и ги брстат ниските гранчиња и израстоци на растенијата и огнот не може да ги дофати другата вегетација ако минува низ нив. Дриго, немаме овци кои ја паселе требата, немаме говеда."

Добитокот е сѐ повеќе на фарми, ретки коњи и магариња

Ангелов посочи дека ако и има добиток, тој најчесто се чува на фарми и не се пушта на слобода; додаде дека и коњите и магарињата станаа реткост. „Едноставно добитокот е сведен на минимум во споредба на она што сме го имале пред 70 години,“ рече тој, опишувајќи како некогашните селски практики ги држеле тревите и ниските израстоци под контрола.

Директорот додаде дека го брифира премиерот Христијан Мицкоски на дневна основа за пожарите и дека добива поддршка од повисоко ниво. Ангелов потврди дека му сугерирал на премиерот да ја изнесе изјавата поврзана со недостатокот на крави и ширењето на пожарите.

"Тоа е од мене, јас го хранам премиерот со информации. Секое утро го брифирам," наведе Ангелов, нагласувајќи ја својата улога во редовното информирање на премиерот за состојбата со пожарите.

Фото: kallerna / Wikimedia Commons (CC BY-SA 4.0)