Берзата: нафтата скокна речиси 10% — Мицкоски не најавува нови мерки

Берзанската недела заврши со нафта која поскапе речиси 10 отсто — скок што го обележи вниманието на владата и јавноста пред почетокот на следната работна недела и го стави под прашалник што ќе плаќаат возачите од понеделник. Покрај веќе намалената акциза, засега не се најавуваат нови мерки за горива.

Премиерот Христијан Мицкоски рече дека земјава и натаму има од најниските цени на горивата во Европа, но дека едноставните споредби не ја земаат предвид разликата во куповната моќ меѓу државите.

„Кога купувате производ од исто место тогаш не можете да го споредувате со куповната моќ на граѓаните бидејќи тоа е исто како да споредувате кајсии со лимони и да речете дека е тоа исто. Не не е исто различен тип на овошје е едното различен тип на овошје е другото“, рече Христијан Мицкоски – премиер.

Од опозицијата дојдоа критики дека стандардот на граѓаните е толку низок што можат да купат помалку гориво отколку во соседните држави.

„На дното сме во од земјите во регионот по количина на гориво која граѓаните можат да ја купат со примањата. ете тука не доведе оваа власт“, вели Венко Филипче - претседател на СДСМ.

Енергетска слика: цени на струја и гас растат

Во последните пет години горивата беа најскапи во 2022 година, за време на претходната енергетска криза, кога дизелот достигна 110 денари по литар, а бензинот 111,5 денари по литар. Но, притисокот не е само кај нафтата — растат и цените на гасот и на електричната енергија.

На енергетските берзи струјата се тргува и по околу 200 евра за мегават-час, а цените на гасот бележат рекорди, што е сериозен сигнал дека, доколку тензиите не се смируваат, може да се навлезе во подлабока енергетска и економска криза.

Премиерот уверува дека не се очекуваат енергетски шокови оваа зима и дека од јануари цената на струјата ќе остане стабилна, но прашањето дали ќе има простор за поевтинување останува отворено додека не почне грејната сезона и не се види поточната состојба.

Фото: прес-материјал од настанот