Битолската Универзитетска библиотека ја затвори препознатливата меѓукатна галерија

Универзитетската библиотека „Свети Климент Охридски“ во Битола го затвори галерискиот простор што преку кружен отвор ги поврзуваше катовите, отстранувајќи долгогодишен и препознатлив елемент од ентериерот на установата.

Галеријата започнуваше од првиот кат и преку неа се добиваше видик кон повисоките катови. Во неа имаше стар лустер и поставка посветена на библиотечната историја.

Изложбата и јубилеите

Поставката со наслов „Од читалиште до библиотека“ е од 2010 година, кога библиотеката прослави 65 години од основањето и 150 години од отворањето на првото читалиште во Битола.

Материјалите и боите во галеријата — бели и кафени тонови — беа во усогласен контраст со останатиот дел од катот.

Со новото ентериерно решение, кое засега не е целосно изведено, отворот кон погорните катови е затворен и поставен е кружен елемент во темно сина боја.

Фото: СДК.МК)