Булеварот „Цветан Димов“ чекор поблиску до реализација
Изет Меџити: Екипите и геодетите се на терен за прецизно утврдување на трасата.
Булеварот „Цветан Димов“ чекор поблиску до реализација
05 Октомври, 2026 15:43 — Градоначалникот на општина Чаир, Изет Меџити, информира дека денеска е направен конкретен чекор кон реализација на проектот за булеварот „Цветан Димов“: екипите на општината, заедно со геодетски експерти, излегоа на терен за прецизно утврдување на трасата.
Утврдување на коридорот на терен
Општината соопшти дека овие теренски мерења се први конкретни активности кои ќе придонесат за олеснување на сообраќајот и за подобро инфраструктурно поврзување на Чаир со Бутел, Шуто Оризари и со соседните општини во скопскиот регион.
Меџити го оцени проширувањето на „Цветан Димов“ како една од значајните инфраструктурни интервенции и како долгогодишна потреба на граѓаните од овој дел на градот.
„Денеска направивме конкретен чекор кон реализација на булеварот „Цветан Димов“. Нашите екипи, заедно со геодетските експерти, се на терен за прецизно утврдување на трасата. За мене, овој проект е повеќе од инвестиција во инфраструктурата – тој е исполнување на едно ветување и одговор на долгогодишната потреба на граѓаните. Ветувањата имаат вредност само кога се претвораат во конкретна работа, а булеварот „Цветан Димов“ веќе преминува од ветување во реализација“ — пишува во изјавата на Меџити.
Општината наведува дека реакциите на граѓаните на терен биле исклучително позитивни, бидејќи проширувањето на сообраќајницата се очекува директно да придонесе за олеснување на сообраќајот и подобрување на инфрастуктурната поврзаност во овој дел на Скопје.
Фото: прес-материјал од настанот
