Чекање и колони за влез во Србија — засилени проверки пред утрешните избори
Полицијата во Србија правеше продолжени проверки на возилата, предизвикувајќи чекање и за македонските новинари.
На граничниот премин за влез во Србија од Македонија денеска се создаде поголема колона и возилата поминуваа потешко од вообичаено.
Полицајците на српската страна правеа невообичаено долги проверки на возилата, поради што за влез денеска се чекаше и повеќе од еден час.
Меѓу тие што беа задржани на преминот имаше и македонски новинарски екипи; тимот на ТВ Телма, кој замина во Србија за да известува за утрешните избори, беше пропуштен по речиси еден час чекање.
Избори утре по двегодишните протести
Засилените проверки се случуваат пред вонредните парламентарни избори кои ќе се одржат утре во Србија, по двегодишните протести во земјата организирани од студентите.
Подолгите контроли на границата попречија дел од сообраќајот и ја забавија работата на медиумите кои утрово патуваа кон Србија за известување.
Фото: прес-материјал од настанот
