Димевски: На успесите од Медитеранските игри треба да бидеме горди
Експедицијата се врати од Таранто со едно злато, две сребра и три бронзи и беше примена од претседателот на МОК Даниел Димевски.
10.09.2026 — По успешниот настап на Медитеранските игри во Таранто, Италија, македонската експедиција се врати дома и денеска беше свечено примена во Македонскиот Олимписки Комитет од страна на претседателот Даниел Димевски.
Свечен прием во МОК
Македонија се враќа од манифестацијата со шест освоени медали — едно златно, две сребрени и три бронзени одличја. Со овој учинок, Македонија го повтори бројот на медали од Медитеранските игри во Тарагона во 2018 година, кога македонските спортисти освоија две злата, едно сребро и три бронзи.
Претседателот на МОК оцени дека настапот на македонската делегација бил исклучително успешен и дека освоените одличја се доказ за квалитетот и посветеноста на спортистите.
„Шест медали од Медитеранските игри се резултат со кој треба да бидеме горди. Овие одличја се освоени со огромен труд на спортистите, нивните тренери и федерациите, а се радост за целата македонска јавност. Македонскиот олимписки комитет ги овозможи сите услови на овие медитерански игри, а спортистите ни вратија со медалите кои што ги донесовме. Нивниот настап претставува потврда дека Македонија има спортисти кои можат да се борат за највисок пласман на големи меѓународни натпревари“, истакна Димевски.
На свечениот прием беше истакнат трудот на тренерите и федерациите, како и значењето на поддршката што ја обезбеди МОК за подготовките и учеството. Резултатот го оценија како потврда дека македонските спортисти можат да се натпреваруваат на највисоко ниво.
Фото: прес-материјал од настанот
