Димитар Блажевски предаде акредитивни писма на претседателот Зеленски

Претседателот на Украина, Володимир Зеленски, на 31 јули 2026 година во Киев ги прими акредитивните писма од Димитар Блажевски, новоименуваниот вонреден и ополномоштен амбасадор на Република Северна Македонија.

Свечената церемонија се одржа во претседателската палата со сите државнички почести. Со предавањето на акредитивните писма, амбасадорот Блажевски официјално ја презеде функцијата шеф на македонската дипломатска мисија во Киев.

Ново поглавје во билатералните односи

Назначувањето на амбасадор во Киев доаѓа во период на засилена соработка меѓу двете држави и има за цел да ги продлабочи политичките и оперативните канали за комуникација помеѓу властите во Скопје и Киев.

Македонија е една од најголемите донатори на оружје и опрема на Украина според процентот од БДП.

Во следниот период мисијата ќе се фокусира на јакнење на соработката со украинските институции, координирање на хуманитарната и безбедносната помош и обезбедување конзуларни услуги за граѓаните на Република Северна Македонија на терен.

Фото: СДК.МК)