Диво животно снимено на плажата во Неос Мармарас, испратен е ДНК-примерок

Диво животно беше снимено во раните утрински часови в неделата на плажата во Неос Мармарас, на источната страна од Ситонија, што предизвика загриженост кај локалното население и туристите по неколку неодамнешни напади во истата област.

Инцидентот се случил недалеку од спортското игралиште кога млада жена, која ја завршила работната смена околу 2:00 наутро и заминала на ноќно пливање, забележала животно на само неколку чекори пред себе. Таа првично помислила дека е куче, успеала да се оддалечи и не била нападната.

Снимката објавена на интернет прикажува животно чиј изглед најмногу наликува на златен чакал, но стручњаците предупредуваат дека од самата снимка не може да се даде сигурна научна идентификација. „Не можам со сигурност да кажам дали станува збор за волк или за чакал.“

Земен ДНК-примерок, анализата ќе покаже

Новиот настан следува само неколку дена по два регистрирани напади во Неос Мармарас: во еден случај 46-годишен маж добил повреди во пределот на вратот, а во друг случај повредено било двегодишно дете кое итно било пренесено во Универзитетската болница „Хипократ“ во Солун.

По серијата инциденти земен е ДНК-примерок кој е испратен во Лабораторијата за генетика при Одделот за биологија на Аристотеловиот универзитет во Солун (АУТ). Целта е да се утврди дали станува збор за чакал или волк и дали животното е поврзано со претходниот напад врз петгодишно девојче што се случи во септември 2025 година.

Сè уште не е потврдено дали снименото животно е истото што предизвика претходните инциденти, но новата снимка дополнително ја потврдува присутноста на диво животно кое без страв се движи во непосредна близина на луѓето во текот на ноќта, што ги зголемува стравувањата на локалците и посетителите.

Фото: прес-материјал од настанот